O‘zbekiston Ekologiya partiyasidan saylangan Xalq deputatlari Zafarobod tumani Kengashining 20-«Chimqo‘rg‘on» saylov okrugi deputati A. Turdiev hamda «Mahalla 17 ligi» vakillari tomonidan mahalladagi muammolar o‘rganildi.
O‘rganishlar davomida Do‘stobod va Oqtom ko‘chalarida ichimlik suvi tarmog‘ining taxminan 600 metr qismida quvur yorilganligi aniqlandi. Ushbu holat sababli aholi xonadonlarida ichimlik suvi ta’minotida uzilishlar yuzaga kelgan.
📝 Muammoni qisqa muddatda bartaraf etish, yorilgan quvurni ta’mirlash hamda aholini barqaror ichimlik suvi bilan ta’minlash maqsadida tegishli mas’ul tashkilotlarga deputat so‘rovi chiqarildi.
✅ Masalaning ijrosi deputat nazoratiga olingan bo‘lib, amalga oshirilayotgan ishlar yuzasidan jamoatchilik qo‘shimcha xabardor qilib boriladi.