Xalq deputatlari Yangiobod tumani Kengashining 2026-yil 18-avgustdagi VII-21-80-3-54-K/26-sonli qarori asosida Balandchaqir MFY Varqin qishlog‘idagi yo‘lga Jinoyatchilikning oldini olish va jamoat xavfsizligini ta’minlash maqsadida videokuzatuv kamerasi o‘rnatildi.

Mazkur videokuzatuv kamerasining o‘rnatilishi hududdagi jamoat xavfsizligini yanada mustahkamlash, yo‘l harakati va fuqarolar xavfsizligini ta’minlash, shuningdek, turli huquqbuzarliklarning oldini olishda muhim ahamiyat kasb etadi.

Kengash qarorlarining joylarda amaliy ijrosini ta’minlash, aholi osoyishtaligi va xavfsizligini mustahkamlash borasidagi ishlar izchil davom ettirilmoqda.

Ushbu ishlar hududlarda xavfsiz muhitni yaratish, fuqarolarning osoyishtaligini ta’minlash va jamoat tartibini mustahkamlashga xizmat qiladi.