Tantanali marosimda "15-Yangi shahar" saylov okrugidan Qumqo‘rg‘on tumani Kengashi deputati D. Qo‘ziyeva, mahalla faollari, ota-onalar, tuman hokimligi vakillari, faxriy o‘qituvchilar hamda ichki ishlar xodimlari ishtirok etdi.
Tadbir davomida o‘quvchilarga bilim olish, Vatanga sadoqat, ustozlarni hurmat qilish va kelajakdagi maqsadlari sari dadil intilish haqida ezgu tilaklar bildirildi.
Ayniqsa, bilimlar kunida maktab o‘quvchilarining chiqishlari, ustozlarning samimiy tilaklari va bayramona muhit ishtirokchilarga ko‘tarinki kayfiyat bag‘ishladi.
Deputat D. Qo‘ziyeva o‘quvchilarni yangi o‘quv yili bilan muborakbod etib, ularning kelgusida yurtimiz ravnaqi uchun munosib hissa qo‘shadigan bilimli va faol yoshlar bo‘lib yetishishlariga tilak bildirdi.
Bilimlar kuni muborak! Yangi o‘quv yili barchaga omad va zafarlar olib kelsin!