O‘ZBEK MAHALLASIDA O‘RGANISH ISHLARI OLIB BORILDI 

Xalq deputatlari Quva tuman Kengashi deputati M.Raximov hamda Kengash
kotibiyati bosh mutaxassisi A.Fozilov tomonidan O‘zbek mahalla fuqarolar yig‘inining
Haqiqat ko‘chasida manzilli o‘rganish ishlari olib borildi. 

O‘rganish davomida ko‘chaboshi E.Zokirov bilan birgalikda ko‘cha holati
ko‘zdan kechirilib, aholi uchun mavjud muammolar o‘rganildi. 

Mazkur ko‘chadagi asosiy masalalardan biri - ko‘chani asfaltlashtirish
ekanligi aniqlandi. Ushbu muammoni bartaraf etish maqsadida mahalla mablag‘lari
hisobidan zarur mablag‘ ajratilgan bo‘lib, ayni paytda ko‘chani
asfaltlashtirishga tayyorgarlik ishlari olib borilmoqda. 

O‘rganish jarayonida amalga oshirilayotgan ishlar holati tahlil qilinib,
ularni sifatli va belgilangan muddatlarda yakuniga yetkazish masalalari
kelishib olindi. 

Mazkur masala “Deputatning ko‘cha aylanish daftari”ga kiritilib, uning
ijrosi deputatlik nazoratiga olindi.