Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari bilan ishlash, ijtimoiy himoyaga muhtoj aholi vakillarining muammolarini o‘rganish hamda ularni tegishli tartibda hal etish masalalari muhokama qilindi.

Mazkur jarayonda “Inson” ijtimoiy xizmatlar agentligi xodimi Azamova Sadoqatxon hamda bo‘lim boshlig‘i Meliboyev Jaloliddin bilan fuqarolar murojaatlari bilan ishlashda mavjud muammolar, ularni o‘z vaqtida aniqlash va amaliy yechim topish masalalari yuzasidan fikr almashildi.

Shuningdek, aholining ijtimoiy ehtiyojlarini o‘rganish, murojaatlarni tegishli mutasaddi tashkilotlarga yo‘naltirish hamda fuqarolarga ko‘rsatilayotgan ijtimoiy xizmatlar samaradorligini oshirish bo‘yicha takliflar bildirildi.

Uchrashuv yakunida fuqarolar murojaatlari bilan ishlashni yanada takomillashtirish, mavjud muammolarni joyida o‘rganish va ularni tegishli tashkilotlar bilan hamkorlikda hal etish bo‘yicha zarur choralarni ko‘rish belgilandi.

Xalq deputatlari Qo‘qon shahar Kengashi