Xalq deputatlari Bag‘dod tumani Kengashi Kotibiyat mudiri G‘. Abdullayev hamda tuman Kengashi deputatlari R. Yegitaliyev, D. Xamraqulov va G‘. Ermatovlar tomonidan Bag‘dod dehqon bozorida narx-navolar yuzasidan o‘rganish ishlari olib borildi.

🟡O‘rganish davomida bozorda sotilayotgan asosiy oziq-ovqat mahsulotlari, jumladan, go‘sht, sut va sut mahsulotlari, tuxum, guruch, un, yog‘, shakar, sabzavot hamda meva mahsulotlarining amaldagi narxlari tahlil qilindi.

🟡Shuningdek, mahsulotlarning narxlarini shakllantirish omillari, savdo rastalarida sanitariya va tartib-intizomga rioya etilishi, iste’molchilar uchun zarur mahsulotlarning yetarliligi hamda narxlarning asossiz oshirilishining oldini olish masalalariga alohida e’tibor qaratildi.

🟡O‘rganish jarayonida aniqlangan holatlar yuzasidan mas’ullarga tegishli tavsiyalar berilib, aholini sifatli va hamyonbop oziq-ovqat mahsulotlari bilan ta’minlash, bozorda narxlar barqarorligini saqlash hamda iste’molchilar manfaatlarini himoya qilish bo‘yicha tegishli choralarni ko‘rish zarurligi ta’kidlandi.

💵 Bunday o‘rganishlar hududda narx-navoning barqarorligini ta’minlash, bozordagi vaziyatni doimiy monitoring qilib borish hamda aholi uchun qulay savdo sharoitlarini yaratishga qaratilgan.