📌 Joriy yilning 24-avgust kuni 13-Oq oltin saylov okrugidan saylangan xalq deputati Bobojonova Manzura Nuraddinovna,tuman Kengashi kotibiyati bosh mutaxassisi D. Abdrimova hamda O‘zbekiston XDP tuman Kengashi raisi O. Akimova tomonidan Oq oltin mahallasida o‘rganish ishlari olib borildi.
🔹 O‘rganish davomida mahalladagi hokim yordamchisining faoliyati, aholini kambag‘allikdan chiqarish bo‘yicha amalga oshirilayotgan ishlar hamda fuqarolarni doimiy va samarali bandlikka jalb etish masalalariga alohida e’tibor qaratildi.
🔹 Xonadonbay o‘rganishlar asosida aniqlangan muammolar, ishsiz fuqarolarni kasb-hunarga o‘qitish, tadbirkorlik faoliyatini yo‘lga qo‘yish va daromad manbalarini yaratish borasidagi ishlarning samaradorligi tahlil qilindi.
🔹 Mas’ullarga mavjud muammolarni bartaraf etish, aholining daromadini oshirish va kambag‘allikdan chiqarish bo‘yicha aniq va manzilli choralarni kuchaytirish yuzasidan tegishli tavsiyalar berildi.
🤝 Aholi farovonligi, bandlik va kambag‘allikni qisqartirish — deputatlik nazoratining ustuvor yo‘nalishlaridan biridir.