🟢 DOIMIY KOMISSIYALARNING QO‘SHMA MAJLISIDA MASALA MUHOKAMA QILINDI

Bugun Xalq deputatlari Sherobod tumani Kengashining doimiy komissiyalari qo‘shma majlisi bo‘lib o‘tmoqda.

Majlisda doimiy komissiya a’zolari, Kengash kotibiyatining mas’ul xodimlari hamda kun tartibidagi masalalarga daxldor tashkilot va idoralar rahbarlari ishtirok etmoqda.
Majlis kun tartibidan tumanda sanitariya-epidemiologik holat, chiqindilarning o‘z vaqtida olib chiqib ketilishi bo‘yicha amalga oshirilayotgan ishlar holati masalasi o‘rin oldi.

Mazkur masala yuzasidan Sanitariya-epidemiologik osoyishtalik va jamoat salomatligi bo‘limi bosh vrachi Saidov O‘ralbek Erkinovichning hisoboti tinglandi.

Shuningdek, doimiy komissiyalarning qo‘shma majlisiga tuman “Toza hudud” DUK rahbari X. Abdurahmonov ham taklif etildi. U kun tartibidagi masala yuzasidan o‘z fikr-mulohazalarini bildirib, amalga oshirilayotgan ishlar va mavjud muammolar haqida ma’lumot berdi.

Hisobot va bildirilgan fikr-mulohazalar yuzasidan deputatlar tomonidan tegishli savollar berildi. Xususan, Q. Raxamov va B. Toshpo‘latovlar kun tartibidagi masala yuzasidan o‘zlarini qiziqtirgan savollar bilan murojaat qilib, mutasaddilardan tegishli javoblar oldilar.

Muhokama davomida tumanda sanitariya-epidemiologik holatni yaxshilash, chiqindilarni o‘z vaqtida olib chiqib ketish, sanitariya talablariga rioya etilishini ta’minlash hamda mavjud muammolarni bartaraf etish masalalariga alohida e’tibor qaratildi.