Xalq deputatlari Sardoba tumani Kengashi bosh mutaxassisi L.Toshquvvatov hamda tuman deputati B.Bekmurodov tomonidan Yangiqishloq mahalla fuqarolar yig‘inida mahalla yettiligi faoliyati bilan yaqindan tanishildi.
Tashrif davomida mahallada aholi muammolarini aniqlash va ularni hal etish, ijtimoiy himoyaga muhtoj oilalarni qo‘llab-quvvatlash, bandlikni ta’minlash, yoshlar va xotin-qizlar bilan ishlash, huquqbuzarliklarning oldini olish hamda obodonlashtirish ishlarining tashkil etilishi yuzasidan amalga oshirilayotgan ishlar ko‘zdan kechirildi.
Shuningdek, mahalla yettiligi a’zolari bilan muloqot o‘tkazilib, faoliyat samaradorligini yana-da oshirish, aholi murojaatlarini o‘z vaqtida ko‘rib chiqish va mavjud muammolarni tizimli hal etish bo‘yicha tegishli tavsiya hamda takliflar berildi.