Xalq deputatlari Sardoba tumani Kengashi kotibiyati bosh mutaxassisi L. Toshquvvatov hamda tuman deputati J. Umarov tomonidan Fayzliobod mahallasida “mahalla yettiligi” tarkibida faoliyat yuritayotgan ijtimoiy xodimning ish faoliyati yaqindan oʻrganildi.
Oʻrganish davomida kam ta'minlangan oilalar, nogironligi boʻlgan shaxslar, yolgʻiz keksalar va ijtimoiy himoyaga muhtoj aholi qatlami bilan olib borilayotgan ishlar tahlil qilindi. Shuningdek, aholining ijtimoiy muammolarini hal etish, davlat tomonidan berilayotgan yordam va xizmatlarni manzilli yetkazish boʻyicha amalga oshirilayotgan ishlar koʻrib chiqildi.
Oʻrganish yakunida ijtimoiy xizmatlar samaradorligini yanada oshirish, ehtiyojmand fuqarolar bilan manzilli ishlash va murojaatlarni oʻz vaqtida hal etish yuzasidan tegishli taklif va tavsiyalar berildi.