Ko‘chama-ko‘cha yurib muammolar o‘rganildi

Xalq deputatlari Qo‘shko‘pir tumani Kengashi deputati Nazokat Boymuratova Chamanzor mahallasida bo‘lib, hududni ko‘chama-ko‘cha aylanib, fuqarolar bilan ochiq muloqot o‘tkazdi hamda ularni qiynayotgan dolzarb masalalarni o‘rgandi.
O‘rganishlar davomida mahalla hududidan o‘tuvchi zovur (zahkash)larni tozalash, shuningdek, Sohil ko‘chasidagi zovur ustidan o‘tuvchi ko‘prikni ta’mirlash zarurligi aniqlandi.
Deputat mazkur masalalarni ijobiy hal etish, hudud infratuzilmasini yaxshilash va aholi uchun qulay sharoit yaratish maqsadida tegishli mas’ul idoralarga deputat so‘rovi yuborishini ma’lum qildi.
Bu kabi amaliy tashabbuslar fuqarolarning murojaatlariga yechim topish hamda xalq manfaatlarini himoya qilish yo‘lidagi muhim parlament nazoratining amaliy ifodasidir.