#_24_ta_masala
#_deputat_faoliyati
Fuqarolar murojaatlari – deputat e’tiborida

Xalq deputatlari Sariosiyo tumani Kengashiga “23-Aeroport” saylov okrugidan saylangan deputat N.Chorshanbiyeva hamda tuman Kengashi kotibiyati bosh mutaxassisi N.Xamdamova tomonidan “Alisher Navoiy” mahallasida yashovchi fuqarolarning murojaatlari manzilli o‘rganildi.

O‘rganish davomida asosiy e’tibor aholini ish bilan ta’minlash va bandligini oshirish masalalariga qaratildi. Jumladan, ishsiz fuqarolarni mavjud bo‘sh ish o‘rinlariga yo‘naltirish, kasbiy ko‘nikmalarini inobatga olgan holda munosib ishga joylashtirish hamda doimiy daromad manbaiga ega bo‘lishlariga ko‘maklashish yuzasidan murojaatlar qabul qilindi.

Shuningdek, fuqarolarga mehnat bozoridagi mavjud imkoniyatlar, kasb-hunarga o‘qitish dasturlari, subsidiya va imtiyozlar bo‘yicha huquqiy tushuntirishlar berildi. Murojaatlarda ko‘tarilgan masalalar tegishli tashkilotlar bilan hamkorlikda hal etish uchun nazoratga olindi.