Xalıq deputatları Bozataw rayonlıq Keńesi 9-sanlı “Dawıt kól” saylaw okruginen saylanǵan deputat G.Bekbosinova ózine biriktirilgen shólkem qánigesi menen birgelikte okrug aymaǵındaǵı puqaralardıń jaǵdayın úyreniw maqsetinde úyme-úy júriwler alıp bardı.

Úyreniw dawamında puqaralar menen júzbe-júz sáwbet ótkerilip, olardıń múrájatları, kúndelikli turmısında ushırasıp atırǵan máseleleri hám usınısları tıńlandı. Sonıń menen birge sociallıq qollap-quwatlawǵa mútáj shańaraqlardıń jaǵdayı úyrenilip, anıqlanǵan máselelerdi tiyisli tártipte sheshiw boyınsha ámeliy ilajlar belgilep alındı.

Bunday úyme-úy úyreniwler xalıq penen ashıq qatnasıqtı bekkemlewge, aymaqlardaǵı áhmiyetli máselelerdi óz waqtında anıqlawǵa hám olardı tez arada sheshiwge qaratılǵan bolıp, bul baǵdardaǵı jumıslar izbe-iz dawam ettiriledi.