Xalq deputatlari Olmaliq shahar Kengashi deputatlari va Kotibiyat mas’ullari tomonidan joylarda aholi bilan to‘g‘ridan-to‘g‘ri muloqot qilish, mahalla tizimi mutasaddilari faoliyatini tahlil etish hamda fuqarolar murojaatlarini tezkor hal etish borasida tizimli ishlar davom ettirilmoqda.

Kuni kecha Xalq deputatlari Olmaliq shahar Kengashi raisi Daniyar Karimov, Kotibiyat mudiri Sevar Qodirova, 1-okrug deputati Faxriddin Matasimov hamda Kotibiyat bosh mutaxassisi Mukarram Nematullayevadan iborat ishchi guruh shahardagi “Xo‘ja Ahmad Yassaviy” mahallasida bo‘lishdi.

O‘rganishda:
🔹Mahalladagi ichki muhit va ijtimoiy ko‘mak: Mahalladagi xotin-qizlar faoli hamda yoshlar yetakchisining ish samaradorligi, mahalla yoshlari va xotin-qizlari bilan ishlash tizimi atroflicha o‘rganildi. ularning rejalari va amalga oshirgan ishlari tahlil qilindi.

🔹Mahalla faollarining fuqarolar bilan ishlash, ularning bandligini ta’minlash hamda ijtimoiy himoyaga muhtoj qatlamni qo‘llab-quvvatlash borasidagi faoliyati yuzasidan tavsiyalar berildi.
Eng muhimi — natija:
Tashrif davomida faqat o‘rganish bilan cheklanib qolinmadi. Ishchi guruh tomonidan mahalla fuqarolarining shaxsiy murojaatlari va muammolari ham tinglandi. Fuqarolarni qiynayotgan masalalardan biri Kengash raisi aralashuvi bilan joyida ijobiy hal etildi.

✅Xalq vakillarining bunday jonli muloqotlari va mahallabay ishlash tizimi aholining davlat idoralariga va deputatlik korpusiga bo‘lgan ishonchini yanada mustahkamlashga xizmat qiladi.