#kotibiyat_mudiri_faoliyati
#nazorat_tahlil

"Yangi hayot" mahallasida amalga oshirilayotgan qurilish va obodonlashtirish ishlari bilan tanishildi

Xalq deputatlari Surxondaryo viloyati Kengashi raisi A.Choriyev hamda Qiziriq tumani Kengashi kotibiyati mudiri K.Muhammadiyev Qiziriq tumanining "Yangi hayot" mahallasida bo‘lib, hududda amalga oshirilayotgan qurilish va obodonlashtirish ishlari bilan yaqindan tanishdi.

Tashrif davomida mahallada bunyod etilayotgan xususiy maktab qurilishi ko‘zdan kechirilib, olib borilayotgan qurilish ishlarining borishi, yaratilayotgan shart-sharoitlar hamda obyektni belgilangan muddatlarda foydalanishga topshirish masalalari yuzasidan mas’ullar bilan fikr almashildi.

Shuningdek, mahalladagi obod va namunali xonadonlar ko‘zdan kechirilib, xonadon egalari tomonidan amalga oshirilgan obodonlashtirish ishlari, tomorqalardan samarali foydalanish, hududning sanitariya holatini saqlash va ko‘kalamzorlashtirish borasidagi ijobiy tajribalar e’tirof etildi.

Yakunda mahallada amalga oshirilayotgan bunyodkorlik va obodonlashtirish ishlarini izchil davom ettirish, hudud infratuzilmasini yanada yaxshilash hamda aholiga qulay yashash sharoitlarini yaratishga qaratilgan ishlarni tizimli ravishda olib borish yuzasidan tegishli tavsiya va ko‘rsatmalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram