Xalq deputatlari Uchquduq tuman Kengashining 6-“Tog‘” saylov okrugi deputati, tumani hokimi U.Yelmuratov tomonidan “Mustaqillik” mahallasida mutasaddilar ishtirokida mahallada olib borilayotgan obodonlashtirish va sanitariya-tozalik ishlari joyiga chiqib o‘rganildi.

🔹O‘rganish davomida mahalla hududi, asosiy va ichki ko‘chalar, yo‘l yoqalari, jamoat joylari hamda fuqarolar xonadonlarining ichki va tashqi ozodaligi, uy atrofi, oshxona, hojatxona, tandirxona va yordamchi xo‘jalik hududlaridagi sanitariya holati atroflicha ko‘zdan kechirildi.

🔸Aniqlangan kamchiliklar joyida muhokama qilinib, ularni qisqa muddatda bartaraf etish, hududlarni yanada obod va ozoda saqlash, yashil hududlarni parvarishlash hamda sanitariya madaniyatini yuksaltirish yuzasidan mas’ul rahbar va mutasaddilarga aniq topshiriqlar berildi. Aholi o‘rtasida tozalik, tartib-intizom va obodonlashtirish madaniyatini yanada mustahkamlash bo‘yicha tushuntirish hamda targ‘ibot ishlari olib borildi.

🔻Shuningdek, tuman hokimi mahalla faollari, nuroniylar va jamoatchilik vakillari bilan uchrashib, Mustaqillikning 35 yillik bayramini munosib kutib olish, mahallani yanada obod va ko‘rkam maskanga aylantirishda har bir fuqaroning daxldorligi, birdamligi va mas’uliyati muhim ekanini alohida ta’kidladi. Mahalla faollari aholini hashar va obodonlashtirish ishlariga yanada faol jalb etishga chaqirildi.