O‘zbekiston Respublikasining “Xalq deputatlari viloyat, tuman shahar Kengashi deputatining maqomi to‘g‘risida”gi Qonunning 7-moddasiga muvofiq O‘zbekiston Liberal-demokratik partiyasidan nomzodi ilgari surilib, 18-“Do‘stlik” saylov okrugidan saylangan deputat Mirabdullayev Mirzatilla Yuldashevich 2026-yilning ikkinchi chorak yakuni bilan amalga oshirgan ishlari yuzasidan tumanning “Fazogir” mahallasida saylovchilariga axborot berdi.
Yig‘ilishda Kengash kotibiyati xodimi N.Kurganova, O‘zbekiston mahallalari uyushmasi tuman bo‘limi boshlig‘i M. Ashurov, “mahalla yettiligi” a’zolari va “Barraj” mahallasi aholi vakillari ishtirok etdilar.

Yig‘ilishni O‘zbekiston mahallalari uyushmasi tuman bo‘limi boshlig‘i M. Ashurov ochib berib,Deputat M.Mirabdullayev kun tartibidagi birinchi masala bo‘yicha axborotini berib, o‘tgan davr mobaynida aholidan kelib tushgan murojaatlar, muammolarni hal etish bo‘yicha amalga oshirgan ishlari, yuborilgan deputat so‘rovlari va erishilgan natijalar yuzasidan axborot berdi. Shu bilan birga, kelgusiga mo‘ljallagan rejalari bilan o‘rtoqlashdi. 

Yig‘ilish kun tartibining ikkinchi masalasi bo‘yicha O‘zbekiston mahallalari uyushmasi tuman bo‘limi boshlig‘i M.Ashurov so‘zga chiqib, xalq deputatlari tuman Kengashi va tuman hokimligining hamkorlikda olib borayotgan ishlar, mavjud muammolarni hal etish bo‘yicha ko‘rilayotgan choralar haqida ma’lumot berdi hamda saylovchilar tomonidan bildirilgan takliflar yuzasidan o‘z fikrlarini bildirdi.