#doimiy_komissiya

Xalq deputatlari Uchtepa tumani Kengashining III chaqiriq o'ttiz birinchi sessiyasiga bag‘ishlangan doimiy komissiya yig‘ilishi - dolzarb masalalar muhokama markazida

🇺🇿 Bugun xalq deputatlari Uchtepa tumani Kengashining Ijtimoiy sohalar, yoshlar siyosati, madaniyat va sport masalalari bo‘yicha doimiy komissiyasining navbatdagi yig'ilishi bo'lib o'tdi. Unda:

✍️ "Uchtepa tumanida xotin-qizlarni qo‘llab-quvvatlash, ularni tadbirkorlikka keng jalb etish, huquq va qonuniy manfaatlarini himoya qilish hamda “Ayollar daftari” orqali amalga oshirilayotgan ishlar yuzasidan hisoboti to‘g‘risida" tuman xotin-qizlar bo'limining hisoboti eshitilib, muhokama qilindi hamda atroflicha ko‘rib chiqildi.

   💬 Doimiy komissiya raisi Saodat Dusmuxamedova hamda doimiy komissiya a’zolari — Sh.Mustafayeva, I.Abdullayev, Z.Xaydarova hamda Sh.Tursunovalar hisobotni tinglab, o‘z saylov okruglarida uchrayotgan muammolar va tumandagi boshqa dolzarb masalalar yuzasidan savollar bilan murojaat qildilar. Savol-javoblar jarayonida mavjud kamchiliklar, ularni bartaraf etish yo‘llari hamda kelgusidagi ustuvor vazifalar yuzasidan taklif va tavsiyalar bildirildi.

💼 Mazkur doimiy komissiya yig'ilishida xalq deputatlari Uchtepa tumani Kengashi huzuridagi ekspert guruhi a’zolari, tuman Kengashi kotibiyati bosh mutaxassislari U.Abilov va Z.Kuziyevalar ishtirok etdilar.

📝 Muhokamalar yakunida doimiy komissiya deputatlari tomonidan mazkur masalani sessiya kun tartibiga kiritish yuzasidan qarorlar qabul qilindi.

✅ Mazkur masala tumanda xotin-qizlarning huquq va manfaatlarini himoya qilish, ularning bandligini ta'minlash, kasb-hunarga o'qitish, tadbirkorligini qo'llab-quvvatlash, ijtimoiy faolligini oshirish hamda sog'lig'ini mustahkamlashga qaratilgan tizimli ishlarni samarali tashkil etishga xizmat qiladi.