Mirzo Ulug‘bek tumanidagi “Chimyon” mahallasi fuqarolari maktabgacha ta’lim tashkilotidagi daraxtlarning qurigan katta shohlari ular istiqomat qilayotgan ko‘p qavatli uy oldiga tushishi va inson salomatligi bilan bog‘liq bo‘lgan biror-bir nohush holatlar yuzaga kelishi mumkinligi haqida murojaat qilishgan.

Ushbu murojjaatni ko‘rib chiqish maqsadida Mirzo Ulug‘bek tumani “Chimyon” mahallasidagi 148-sonli maktabgacha ta’lim tashkilotiga borib, o‘rganish tadbirlari o‘tkazildi.

Xususan, bog‘chadagi katta daraxtlarning holati, qurigan katta shoxlarining mavjudligi va tashkilot yonidagi ko‘p qavatli uylarga ta’sir darajasi ko‘rib chiqildi.

Tashkilot mutasaddilari daraxtning qurigan shoxlarining joylashuvi juda balandda ekanligi hamda ular tomonidan chaqirtirilgan maxsus transport vositasining balandlik bo‘yicha imkoniyati cheklangan bo‘lganligi va hozirda qurigan shoxlar tagi yashil holatda ekanligini ma’lum qilishdi.

Ushbu holatni hamkorlikda o‘rganish maqsadida ekologiya va atrof muhitni muhofaza qilish bo‘limiga deputatlik so‘rovini yuborish belgilandi.

Ushbu o‘rganish tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Jamoliddin Kuchkarov ishtirok etdi.