Navbatdagi sessiya kun tartibidagi masala: Tumanda huquqbuzarliklarning oldini olish va profilaktikasi holati o‘rganildi
Navbatdagi sessiya kun tartibidagi masala yuzasidan xalq deputatlari Gʻallaorol tuman Kengashi deputatlari tumanda huquqbuzarliklarning oldini olish va ularning profilaktikasi holati bo‘yicha amalga oshirilayotgan ishlar bilan yaqindan tanishish maqsadida tuman Ichki ishlar bo‘limida bo‘ldilar. O‘rganish davomida deputatlar tuman hududida jamoat xavfsizligini ta’minlash, huquqbuzarliklarni barvaqt oldini olish, fuqarolar bilan manzilli ishlash hamda profilaktik tadbirlarning samaradorligini oshirish borasida olib borilayotgan chora-tadbirlar bilan tanishdilar. Shuningdek, ichki ishlar organlari xodimlari tomonidan joylardagi muammolarni aniqlash va ularni bartaraf etish bo‘yicha amalga oshirilayotgan ishlar yuzasidan ma’lumotlar berildi.