⚡️ Tuproqqal’a mahallasida elektr ta’minotini yaxshilash masalasi ko‘tarildi
👥 Xalq deputatlari Shovot tumani Kengashi deputati Jamolbek Babajanov tomonidan saylovchilar murojaatlari hamda hududda o‘tkazilgan o‘rganishlar asosida Tuproqqal’a mahallasidagi elektr ta’minoti bilan bog‘liq muammolar yuzasidan deputat so‘rovi yuborildi.
🔌 O‘rganish davomida:
⚠️ elektr uzatish tarmoqlari va havo elektr simlari eskirgani;
📉 elektr kuchlanishining pasayishi;
🚫 elektr energiyasi uzilishlari tez-tez kuzatilayotgani;
🏠 aholi xonadonlari, ijtimoiy obyektlar va tadbirkorlik subyektlari faoliyatiga salbiy ta’sir ko‘rsatayotgani;
🔧 maishiy elektr jihozlarining nosozlanish holatlari aniqlandi.
🏗 Mahallada aholi soni va elektr energiyasiga bo‘lgan talab ortib borayotganini inobatga olib, mavjud elektr uzatish tarmoqlarini rekonstruksiya qilish hamda eskirgan havo elektr simlarini zamonaviy, xavfsiz va energiya yo‘qotishlarini kamaytiruvchi SIP kabellari bilan almashtirish taklif etildi.
📨 Mazkur masala yuzasidan Shovot tumani elektr ta’minoti korxonasi boshlig‘iga deputat so‘rovi yuborilib, muammoni bartaraf etish choralarini ko‘rish hamda qonunchilikda belgilangan muddatda yozma javob taqdim etish so‘raldi.
🏛 Xalq deputatlari Shovot tumani Kengashi
Telegram | Web-sayt | Facebook | You tube | Instagram