Xalq deputatlari Buxoro viloyati Kengashiga 26-Jondor saylov okrugidan saylangan deputat L.Ergasheva tashabbusi bilan 2-iyul — O‘zbekiston Respublikasi Davlat gerbi qabul qilingan kun munosabati bilan Jondor tumanida ma’naviy-ma’rifiy targ‘ibot tadbiri tashkil etildi.
➡️Tadbirda davlat ramzlarining mamlakatimiz mustaqilligi, suvereniteti va milliy qadriyatlarini ifoda etishdagi o‘rni, Davlat gerbining yaratilish tarixi hamda uning mazmun-mohiyati haqida atroflicha so‘z yuritildi. Qatnashchilarga Davlat gerbi har bir fuqaroda Vatanga muhabbat, milliy g‘urur va yuksak mas’uliyat tuyg‘usini mustahkamlashda muhim ahamiyat kasb etishi ta’kidlandi.
➡️Shuningdek, tadbir davomida yoshlar o‘rtasida davlat ramzlariga hurmat ruhini yanada kuchaytirish, ularning huquqiy va siyosiy ongini yuksaltirish, vatanparvarlik tuyg‘ularini mustahkamlashga qaratilgan fikr-mulohazalar bildirildi.
➡️Tadbir ishtirokchilari Davlat gerbiga ehtirom ko‘rsatish har bir fuqaroning muqaddas burchi ekanini ta’kidlab, mamlakatimiz taraqqiyoti va yurtimiz tinchligi yo‘lida birdamlik va fidoyilik bilan mehnat qilishga chaqirdilar.
➡️Mazkur ma’naviy-ma’rifiy tadbir davlat ramzlarining qadr-qimmatini keng targ‘ib etish, aholi, ayniqsa yoshlar qalbida Vatanga muhabbat va milliy iftixor tuyg‘ularini yanada mustahkamlashga xizmat qildi.