Xalq deputatlari Nurobod tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi S.Samatov hamda Xalq deputatlari Nurobod tumani Kengashi kotibiyati bosh mutaxassisi L.Muqimovlar tomonidan tumandagi 1-son texnikumda o‘rganish ishlari olib borildi.

➡️O‘rganish davomida texnikum hududida ekilgan daraxt va manzarali o‘simliklarning parvarishi, ularni sug‘orish holati, yashil hududlarni saqlash va ko‘paytirish bo‘yicha amalga oshirilayotgan ishlar atroflicha ko‘zdan kechirildi.

➡️Shuningdek, O‘zbekiston Respublikasining 2016-yil 21-sentabrda qabul qilingan “O‘simlik dunyosini muhofaza qilish va undan foydalanish to‘g‘risida”gi O‘RQ-409-son Qonuni (yangi tahrir) ijrosi yuzasidan o‘rganish olib borilib, qonun talablariga muvofiq ravishda o‘simlik dunyosini asrash, yashil hududlarni kengaytirish, daraxt va butalarni parvarishlash hamda ulardan oqilona foydalanish bo‘yicha amalga oshirilayotgan chora-tadbirlar tahlil qilindi.

➡️O‘rganish jarayonida texnikum hududidagi daraxt va o‘simliklarni muntazam sug‘orish, ularning parvarishini kuchaytirish, yashil hududlarni yanada kengaytirish hamda ekologik madaniyatni oshirish yuzasidan tegishli tavsiya va takliflar bildirildi.

➡️Ta’kidlanganidek, o‘simlik dunyosini muhofaza qilish, atrof-muhitni asrash va yashil makonlarni ko‘paytirish ekologik barqarorlikni ta’minlashning muhim omillaridan biri hisoblanadi. Shu bois, mazkur qonun ijrosini ta’minlash va yashil hududlarni asrab-avaylash bo‘yicha tizimli ishlar davom ettiriladi.