O‘zbekiston Respublikasi Oliy Majlisi Senatining Sud-huquq masalalari va korrupsiyaga qarshi kurashish qo‘mitasi raisi Abdulxakim Xushbokovich Eshmuratov Xalq deputatlari Sho‘rchi tumani Kengashiga tashrif buyurdi.

Tashrif davomida Abdulxakim Xushbokovich Xalq deputatlari Sho‘rchi tumani Kengashi kotibiyati faoliyati, deputatlarning hududlarni ijtimoiy-iqtisodiy rivojlantirish, saylovchilar murojaatlarini o‘rganish hamda mahalliy Kengashlar faoliyati samaradorligini oshirish borasida amalga oshirayotgan ishlari bilan yaqindan tanishdi.

Shuningdek, Senat qo‘mitasi raisi kotibiyat xodimlari bilan suhbat o‘tkazib, mahalliy vakillik organlari faoliyatini yanada takomillashtirish, deputatlik nazoratini kuchaytirish hamda korrupsiyaga qarshi kurashish sohasidagi ustuvor vazifalar yuzasidan o‘z tavsiya va fikr-mulohazalarini bildirdi.

Tashrif davomida mahalliy Kengashlar faoliyati samaradorligini oshirish, aholi manfaatlarini ta’minlash va hududlarni rivojlantirishga qaratilgan vazifalar muhokama qilindi.

Bizni kuzatishda davom eting!
         ▶️ Kanalga ulanish: 👇
👍Telegram👍Facebook 👍Instagram 🌐