Халқ депутатлари Термиз шаҳар Кенгаши

Янгиликлар

Сўнги янгиликлар

#hafta dayjesti Xalq deputatlari Termiz shahar Kengashining 8-13-iyun kunlari amalga oshirilgan ishlar sarhisobi

Shu maqsadda, Xalq deputatlari Termiz shahar Kengashi deputati A.Karimov tashabbusi bilan “Dolzarb 90 kun” loyihasi doirasida yoshlar uchun “Mustaqillik soati” mavzusida ma’naviy-ma’rifiy tadbir tashkil etildi. Interaktiv tarzda o‘tgan ochiq muloqotda o‘quvchilarga mustaqillik yillarida erishilgan yutuqlar, Prezidentimiz tashabbusi bilan amalga oshirilayotgan keng ko‘lamli islohotlar hamda Yangi O‘zbekistonni barpo etish yo‘lidagi bunyodkorlik ishlari haqida batafsil so‘z yuritildi. Xususan, zamonaviy multimedia vositalari orqali yurtimizdagi ulug‘vor loyihalar, jumladan, Islom sivilizatsiyasi markazi faoliyati haqida taqdimot namoyish etildi. “Mustaqillik soati” doirasida quyidagi muhim jihatlarga alohida e’tibor qaratildi: • O‘quvchilarning fanlarga bo‘lgan qiziqishini oshirish va mustaqil fikrlash qobiliyatini rivojlantirish; • Yoshlarni kelgusi o‘quv yiliga hamda yangi ta’lim bosqichlariga puxta va motivatsiya bilan tayyorlash; • Yurtimizda yosh avlod uchun yaratilayotgan zamonaviy imkoniyatlar va ta’lim tizimidagi islohotlar mohiyatini yetkazish. Samimiy va qizg‘in ruhda o‘tgan uchrashuv yakunida o‘quvchilar o‘zlarini qiziqtirgan savollariga deputatdan batafsil javoblar oldilar.

“Dolzarb 90 kun” loyihasi: Deputat ishtirokida “Mustaqillik soati” tashkil etildi

Fuqaro murojaati deputatlar va “Madad” NNT hamkorligida tahlil qilindi

PQ-48 ijrosi nazoratda: "Manguzar" mahallasidagi ko‘p qavatli uylar holati o‘rganildi Termiz shahrida aholi yashash sharoitlarini yaxshilash, ko‘p qavatli uylarga xizmat ko‘rsatish sifatini oshirish deputatlar faoliyatining muhim yo‘nalishlaridan biri bo‘lib qolmoqda.

“Farhod” mahallasidagi muammo joyida o‘rganildi: deputat so‘rovi ijrosi nazoratda” O‘zbekiston Respublikasi Oliy Majlisi Senatining 2025-yil 14-yanvardagi KQ-35-son qarori ijrosini ta’minlash hamda aholi murojaatlarida ko‘tarilayotgan masalalarni joyida hal etish maqsadida Xalq deputatlari Termiz shahar Kengashi deputati Dilbar Normurodova tomonidan “Farhod” mahallasidagi chiqindi konteynerlari joylashuvi yuzasidan deputat so‘rovi yuborilgan edi.

Obodlik — har bir xonadonda: "jo‘yjangal" mahallasidagi ta’mirlash ishlari yakuniy bosqichda

Obod xonadon — munosib hayot mezoni: "Jo‘yjangal" mahallasida navbatdagi o‘rganishlar

Qaror ijrosi amalda: "Jo‘yjangal" mahallasida navbatdagi xonadonni ta’mirlash ishlari boshlanish arafasida!

Qaror ijrosi amalda: “Jo‘yjangal” mahallasidagi ta’mirlash ishlari o‘rganildi

XALQ DEPUTATLARI UCHQUDUQ TUMANI KENGASHI

Xalq deputatlari Uchquduq tuman Kengashining 6-«Tog‘» saylov okrugidan saylangan deputati, tuman hokimi U.Yelmuratov tomonidan o'z saylov okrugi hududida faoliyat yuritayotgan yosh tadbirkorlar bilan ochiq muloqot shaklidagi uchrashuv o‘tkazildi.

Mazkur uchrashuvdan ko‘zlangan asosiy maqsad yoshlarning tadbirkorlik faoliyatini qo‘llab-quvvatlash, ularning biznes yuritish jarayonida duch kelayotgan muammo va takliflarini o‘rganish, shuningdek, hududda tadbirkorlik muhitini yanada yaxshilash borasida amaliy choralarni belgilashdan iborat bo‘ldi.

Muloqot davomida yosh tadbirkorlar tomonidan ishlab chiqarish va xizmat ko‘rsatish sohalarini kengaytirish, yangi ish o‘rinlari yaratish, moliyaviy resurslardan foydalanish, muhandislik-kommunikatsiya tarmoqlari bilan bog‘liq masalalar hamda yer ajratish, kredit olish va biznes loyihalarni amalga oshirish yuzasidan qator taklif va murojaatlar bildirildi.

Deputat tomonidan har bir murojaat va taklif atroflicha o‘rganilib, ularni hal etish yuzasidan tegishli mas’ul tashkilotlar rahbarlariga aniq topshiriqlar berildi. Shuningdek, davlat tomonidan tadbirkorlikni rivojlantirish maqsadida yaratilayotgan imkoniyatlar, yoshlar uchun ajratilayotgan imtiyoz va preferensiyalar haqida batafsil ma’lumotlar berildi.

Uchrashuv davomida yoshlarning innovatsion g‘oyalari, istiqbolli biznes loyihalari va tashabbuslari alohida e’tirof etilib, ularni amaliy qo‘llab-quvvatlash, investitsiyalar jalb qilish hamda faoliyatini kengaytirishga ko‘maklashish masalalari muhokama qilindi.
Ta’kidlanganidek, hudud iqtisodiyotini rivojlantirish, aholi bandligini ta’minlash va yangi ish o‘rinlarini yaratishda yosh tadbirkorlarning o‘rni beqiyos hisoblanadi. Shu bois ularning tashabbuslarini qo‘llab-quvvatlash, mavjud muammolariga yechim topish hamda biznes yuritish uchun qulay shart-sharoitlar yaratish doimiy e’tiborda bo‘lib qoladi.

Uchrashuv yakunida yosh tadbirkorlar tomonidan ilgari surilgan takliflarni amalga oshirish bo‘yicha tegishli chora-tadbirlar belgilab olindi hamda bu kabi ochiq muloqotlarni muntazam ravishda tashkil etish muhimligi qayd etildi.

Slide 1 of 3