#qurilish_shaharsozlik_infratuzilma #deputatlar_nazorati #poytaxtdeputatlari #deputatlik_faoliyati

❗️Sergeli tumanida savdo va turizm infratuzilmasi obyektlari o‘rganildi

🏛 Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi a’zolari, Xorijiy investitsiyalar va turizm masalalari bo‘yicha doimiy komissiyasi raisi, OAV vakillari, Xalq deputatlari Toshkent shahar Kengashi kotibiyati vakillari hamda Toshkent shahar Qurilish bosh boshqarmasi mas’ullari ishtirokida Sergeli tumanida o‘rganish ishlari amalga oshirildi.

📋 O‘rganishlar xalq deputatlari Toshkent shahar Kengashining qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasining 2026-yil 23-yanvardagi “Toshkent shahar Qurilish bosh boshqarmasi tomonidan 2025-yil davomida amalga oshirilgan ishlar yuzasidan hisoboti to‘g‘risida”gi DKQ03-05/1-26-sonli qarori ijrosi doirasida tashkil etildi.

📉 Jarayon davomida shaharsozlik normalari va qoidalariga rioya etilishi, davlat arxitektura nazoratini yanada takomillashtirish, qurilish sohasida aniqlanayotgan kamchiliklarni bartaraf etish bo‘yicha mexanizmlarni raqamlashtirish, energiya tejamkor qurilish materiallari va zamonaviy texnologiyalarni joriy etish, shuningdek tadbirkorlik faoliyatini rivojlantirishga to‘sqinlik qilayotgan omillarni bartaraf etish masalalariga alohida e’tibor qaratildi.

🚗 Dastlab deputatlar va mutasaddilar “Iste’molda bo‘lgan transport vositalari va ehtiyot qismlari Sergeli bozori” MChJ xalq tilida (“Sergeli avtomobil bozori”) hududida amalga oshirilayotgan keng ko‘lamli rekonstruksiya va obodonlashtirish ishlari bilan tanishdilar.

📍 Ta’kidlanganidek, ijtimoiy tarmoqlarda tarqalgan ayrim xabarlardan farqli ravishda, mazkur hududda buzish ishlari emas, balki sotuvchilar va xaridorlar uchun yanada qulay sharoit yaratishga qaratilgan modernizatsiya ishlari olib borilmoqda.

📉 Xususan, bozor hududining 43 ming 800 kvadrat metr qismi yangidan asfaltlashtirilgan, qo‘shimcha ravishda tutash hududlarda ham asfalt qoplamalari yotqizilgan. Piyodalar harakati uchun qulay yo‘laklar tashkil etilib, bordyurlar o‘rnatilgan. Hududda yangi yoritish tizimi, sug‘orish tarmoqlari va ko‘kalamzorlashtirish ishlari amalga oshirilgan.

🌳 Bozor hududida yuzlab manzarali daraxt ko‘chatlari ekilgan, yashil hududlar kengaytirilgan hamda tashqi muhitning estetik ko‘rinishini yaxshilash bo‘yicha qator ishlar bajarilgan.

🚕 Shuningdek, transport oqimini tartibga solish va asosiy ko‘chalardagi tirbandliklarni kamaytirish maqsadida bozorga kirish va chiqish uchun alohida yo‘laklar tashkil etilgan. Avtotransport vositalarining harakati yagona tartib asosida boshqarilishi yo‘lga qo‘yilib, piyodalar uchun xavfsiz eko-yo‘laklar barpo etilgan.

🏪 O‘rganish davomida savdo obyektlarining tashqi qiyofasini yaxshilash bo‘yicha amalga oshirilayotgan ishlar ham ko‘zdan kechirildi. Xususan, tartibsiz joylashtirilgan reklama konstruksiyalari olib tashlangan, savdo do‘konlari fasadlari yangilangan, konditsioner qurilmalari binolarning tom qismiga joylashtirilib, yagona me’moriy va estetik ko‘rinish shakllantirilmoqda. Ehtiyot qismlar savdosi bilan shug‘ullanuvchi yuzlab konteynerlar zamonaviy qiyofaga keltirilgan.

🏪 Shundan so‘ng deputatlar Sergeli tumanidagi Yangi Sergeli ko‘chasida tashkil etilayotgan 24/7 soat faoliyat yurituvchi turizm ko‘chasida bo‘ldilar.

💰 Ma’lum qilinishicha, Toshkent shahrini rivojlantirish jamg‘armasi mablag‘lari hisobidan mazkur hududda keng ko‘lamli qurilish, obodonlashtirish va infratuzilmani rivojlantirish ishlari amalga oshirilmoqda. Loyiha doirasida savdo va xizmat ko‘rsatish obyektlari, umumiy ovqatlanish maskanlari, avtoturargohlar, bolalar maydonchalari hamda zamonaviy yoritish tizimlari tashkil etilgan.

🔎 O‘rganish ishlari davom etmoqda. Bizni kuzatishda davom eting!

📱 Telegram 📱 Instagram 📱 Facebook 📱 YouTube 🔎 E-kengash