Mamlakatimizda kechayotgan islohotlar jarayonida hamma vaqt eng quyi, ammo hal qiluvchi bo‘g‘in bo‘lgan mahallaga alohida e’tibor qaratilmoqda. Mahalla tinch va ahil bo‘lsa, jamiyatimiz tinch va hamjihat bo‘ladi, mahalla rivojlansa, butun mamlakatimiz yuksaladi.  

Xalq deputatlari Mirzo Ulug‘bek tumani Kengashi deputati Gulyamov Joxongir Askardjanovich okrugidagi “Turon” mahallasida “mahalla yettiligi” bilan uchrashdi. Uchrashuvda “mahalla yettiligi” tomonidan amalga oshirilayotgan ishlar muhokama qilindi.

Uchrashuvda “mahalla yettiligi” mahallaning iqtisodiy, ijtimoiy masalalari, xotin-qizlar, yoshlar va nuroniylar hayoti, oilalarni mustahkamlash, hudud infratuzilmasi bilan bog‘liq vazifalar yuzasidan amalga oshirilayotgan ishlar bo‘yicha hisobot berdilar.

O‘tkazilgan uchrashuv jarayonida mahallaning ayrim ichki ko‘chalari va piyodalar yo‘lakchalarini ta’mirlash, eski simyog‘ochlarni yangi beton tayanch ustunlarga o‘zgartirish, ko‘cha yoritish chiroqlarini soz holatga keltirish, aholining ma’naviy olamini yuksaltirish maqsadida mahallada kutubxona faoliyatini yo‘lga qo‘yish masalalariga aloxida e’tibor qaratildi.