Xalq deputatlari Qo‘qon shahar Kengashi deputati N.Shomatov «Mo‘yi-muborak» mahallasiga tashrifi davomida hududda olib borilayotgan qurilish va obodonlashtirish ishlari bilan yaqindan tanishdi.

Deputat mahalla raisi bilan birgalikda mahalla idorasida amalga oshirilayotgan rekonstruksiya ishlari, xodimlar uchun yaratilayotgan zamonaviy sharoitlar hamda binoning kelgusidagi faoliyati yuzasidan fikr almashdi.

Shuningdek, mahalla markazida olib borilayotgan obodonlashtirish ishlari, yangi qurilish obyektlari va aholi uchun yaratilayotgan qulayliklar ko‘zdan kechirildi.

O‘rganish davomida hudud infratuzilmasini yanada rivojlantirish, aholi turmush farovonligini oshirish va mahallaning qiyofasini yanada yaxshilash bo‘yicha takliflar muhokama qilindi.

Mahallalarda amalga oshirilayotgan bunyodkorlik ishlari fuqarolar uchun yanada qulay va zamonaviy muhit yaratishga xizmat qilmoqda.

Xalq deputatlari Qo‘qon shahar Kengashi