Xalıq deputatları Nókis rayonlıq Keńesi 12-sanlı "Órnek" saylaw okruginen deputat M.Aminov Diyxan-arna MPJ aymaǵında qurılıp atırǵan jańa mektepke shekemgi bilimlendiriw mákemesiniń qurılıs jumısları menen jaqınnan tanıstı.

Sapar dawamında qurılıs procesiniń sapası, alıp barılıp atırǵan jumıslardıń páti hám balalar ushın jaratılıp atırǵan sharayatlar kózden ótkerildi. Sonday-aq, juwapkerlerge qurılıs jumısların belgilengen múddetlerde hám sapalı túrde juwmaqlaw boyınsha pikir-usınıslar bildirildi.

Bul baqsha keleshek áwladtıń zamanagóy hám qolaylı ortalıqta tálim-tárbiya alıwına xızmet etetuǵını, máhálle xalqı ushın bolsa áhmietli sociallıq obektlerden birine aylanatuǵını atap ótildi.

👉https://t.me/Nukus_tuman_Kengashi
👉https://www.facebook.com/reel