Xalq deputatlari Romitan tuman Kengashidagi O‘zLiDeP deputatlik guruhining yig‘ilishi keng qamrovli va mazmunli tarzda tashkil etildi. Mazkur yig‘ilishda hududni ijtimoiy-iqtisodiy rivojlantirish, aholi turmush darajasini yaxshilash, mavjud muammolarni aniqlash hamda ularning samarali yechimlarini ishlab chiqish masalalari atroflicha muhokama markazida bo‘ldi.

Yig‘ilish avvalida deputatlik guruhi tomonidan o‘tgan davr mobaynida amalga oshirilgan ishlar yuzasidan batafsil hisobot tinglandi. Deputatlar o‘z saylov okruglarida olib borilgan ishlar, aholining murojaatlari bilan ishlash jarayoni, ularning muammolarini joyiga chiqib o‘rganish hamda ijobiy hal etish borasida amalga oshirilgan chora-tadbirlar haqida ma’lumot berishdi. Ayniqsa, fuqarolar bilan ochiq muloqotlar tashkil etish, ularning dard-u tashvishlarini tinglash va amaliy yordam ko‘rsatish masalalari alohida e’tiborga olindi.

Kun tartibidagi asosiy masalalardan biri sifatida aholi bandligini ta’minlash, yangi ish o‘rinlarini yaratish, yoshlar va xotin-qizlarni tadbirkorlikka keng jalb etish masalalari muhokama qilindi. Bu borada amalga oshirilayotgan loyihalar, ajratilayotgan imtiyoz va subsidiyalar samaradorligi tahlil qilinib, ularni yanada kengaytirish yuzasidan takliflar bildirildi.

Shuningdek, hududdagi ijtimoiy soha obyektlari — ta’lim, sog‘liqni saqlash va madaniyat muassasalarining holati ham ko‘rib chiqildi. Ularning moddiy-texnik bazasini mustahkamlash, aholiga ko‘rsatilayotgan xizmatlar sifatini oshirish bo‘yicha mas’ul tashkilotlarga tegishli tavsiyalar berildi. Ichimlik suvi, elektr energiyasi, yo‘l infratuzilmasi kabi muhim masalalar ham deputatlar diqqat markazida bo‘lib, ularni bosqichma-bosqich hal etish yuzasidan aniq vazifalar belgilandi.

Yig‘ilish davomida deputatlik nazoratini kuchaytirish, qabul qilinayotgan qarorlar ijrosini ta’minlash hamda davlat dasturlarining joylardagi bajarilishini muntazam o‘rganib borish zarurligi ta’kidlandi. Har bir deputat o‘z hududida amalga oshirilayotgan ishlar yuzasidan mas’uliyatni yanada oshirishi lozimligi qayd etildi.

Bundan tashqari, qonunchilik tashabbuslarini ilgari surish, amaldagi qonun va qarorlarning joylardagi ijrosini tahlil qilish hamda aniqlangan kamchiliklarni bartaraf etish bo‘yicha aniq takliflar ishlab chiqish masalalari yuzasidan fikr almashildi.

Yig‘ilish yakunida kun tartibidagi barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ullar belgilandi. Deputatlar oldiga qo‘yilgan ustuvor vazifalarni samarali amalga oshirish, aholi manfaatlarini ta’minlash va hudud rivojiga munosib hissa qo‘shish bo‘yicha aniq yo‘nalishlar belgilab olindi.