DOIMIY KOMISSIYANING YIGʻILISHI BOʻLIB OʻTDI  

Xalq deputatlari Quva tuman Kengashining “ Mahalliy budjet,
tadbirkorlikni rivojlantirish va iqtisodiy islohotlar masalalari boʻyicha ”
doimiy komissiyasining navbatdagi yigʻilishi boʻlib oʻtdi. Yigʻilishda
komissiya aʼzolari bilan birgalikda Kengash huzuridagi ekspert-maslahat guruhi
hamda Yoshlar maslahat guruhi vakillari ishtirok etdilar. 

Yigʻilish kun tartibida: “Tumanda Oʻzbekiston Respublikasi
Prezidentining 2023-yil 11-sentabrdagi PF-158-son farmoni, 2024-yil
16-dekabrdagi PQ-440-son, 2025-yil 1-apreldagi PQ-132-son qarorlari,
Oʻzbekiston Respublikasi Oliy Majlisining Senatining 2025-yil 1-maydagi
KQ-172-V-son qarorining ijrosi toʻgʻrisida” - tuman hokimining hisoboti
oʼrganib chiqildi va atroflicha muhokama qilindi. 

Mazkur masala yuzasidan yigʼilish ishtirokchilari tomonidan
batafsil muhokamalar olib borilib, mavjud muammolar, ularning sabablari hamda
yechimlari atroflicha tahlil qilindi. 

Yigʼilish yakunida doimiy komissiyaning tegishli qarori qabul qilindi.