📌 "Milliy tiklanish DP" dan saylangan Xalq deputatlari Qo'ng'irot tumani Kengashi deputati  Aytjanov Paxratdin Yuldashevich tumanimizda yashovchi fuqarolarning turmush sharoitlarini yaxshilash, uy-joy kommunal xizmatlari va infratuzilma masalalarini yanada takomillashtirish maqsadida tegishli tashkilotlarga deputatlik so‘rovi yo‘lladi.

🏛Qo‘ng‘irot tumani Ichki ishlar bo'limi boshlig'i P.Iskenderovga yo‘llangan deputatlik so‘rovida deputat: 

📍 Qo'ng'irot tumani "Gulabat" MFY hududi aholisi bilan uchrashuv o'tkazildi. Mazkur uchrashuv davomida bir qancha murojaatlar kelib tushdi.

Hudud aholisi o'z murojaatlarida "Gulabat" MFY hududida joylashgan "Jipek-joli", "Nokis-2" hamda "Jana dauran" ko'chalari asfalt yo'lga juda yaqin joylashganligi hamda avtotransport vositalarining juda yuqori tezlikda harakatlanishi sababli mazkur ko'chalardan kesib o'tuvchi maktab o'quvchilarining hamda fuqarolarning hayotiga xavf solishi haqida aytib o'tgan.

🟩 Yuqoridagilardan kelib chiqib "Gulabat" MFY hududida joylashgan "Jipek-joli", "Nokis-2" hamda "Jana dauran" ko'chalariga avtotransport vositalarining tezligini kamaytirish maqsadida sun'iy notekislik o'rnatish imkoniyatini ko'rib chiqish hamda yo'l harakati xavfsizligini ta’minlash bo'yicha tegishli chora-tadbirlarni ko'rishni so'ragan.

❗️ Ma’lumot uchun: “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5- va 8-moddalariga binoan deputatlik so‘roviga javob 10 kun ichida taqdim etilishi lozim. Deputat so‘rovini o‘z vaqtida ko‘rib chiqmaslik yoki noto‘g‘ri ma’lumot berish Ma’muriy javobgarlik to‘g‘risidagi kodeksning 193-moddasiga muvofiq javobgarlikka sabab bo‘ladi.

✍️Xalq deputatlari Qo‘ng‘irot tumani Kengashi kotibiyati.