Olmazor tumani Ahil MFYda I chorak yakunlari bo‘yicha uchrashuv o‘tkazildi

Xalq deputatlari Olmazor tuman Kengashi deputati A. Xasanov, XDP partiyasi Olmazor tuman Kengashi raisi X. Xamidov hamda tuman Kengashi kotibiyati bosh mutaxassisi U. Shopotixovlar ishtirokida Ahil mahalla fuqarolar yig‘inida aholi bilan uchrashuv tashkil etildi.

 Uchrashuv davomida mahalla aholisi uchun 2026-yil I chorak yakunlari bo‘yicha amalga oshirilgan ishlar, hududdagi mavjud holat hamda kelgusidagi ustuvor vazifalar yuzasidan batafsil axborot berildi.

 Muloqot jarayonida fuqarolar tomonidan bir qator muhim masalalar ko‘tarildi. Jumladan:

▪️ hududga yangi transformator punkti (TP) o‘rnatish

▪️ ichki yo‘llarni asfaltlashtirish

▪️ mahallada zamonaviy maktabgacha ta’lim muassasasi (bog‘cha) qurish

 Bildirilgan murojaatlar tegishli tartibda o‘rganish uchun nazoratga olinib, mas’ul tashkilotlar bilan hamkorlikda bosqichma-bosqich hal etish choralari belgilandi.

 Bunday ochiq muloqotlar hududdagi muammolarni aniqlash va ularni tizimli hal etishda muhim ahamiyat kasb etmoqda.