Chiqindilarni o‘z vaqtida olib chiqish — e’tiborda

Xalq deputatlari Paxtachi tumani Kengashi 12-Yangiobod saylov okrugidan saylangan deputat Eshmuradova Hafiza Saydullayevna tomonidan Yangiobod mahallasidagi ko‘p qavatli uylar hududida chiqindilarni o‘z vaqtida olib chiqish holati joyiga chiqib o‘rganildi.

O‘rganish davomida uylar atrofi, chiqindi to‘plash joylarining holati hamda maishiy chiqindilarni o‘z vaqtida olib chiqish jarayoni atroflicha ko‘zdan kechirildi. Shuningdek, hududlarda sanitariya va tozalikni ta’minlash bo‘yicha olib borilayotgan ishlar tahlil qilindi.

Aniqlangan kamchiliklarni bartaraf etish hamda tozalikni yanada yaxshilash yuzasidan mas’ul tashkilotlarga tegishli tavsiyalar berildi.

Mazkur o‘rganishlar hududlarda sanitariya holatini yaxshilash, chiqindilarni o‘z vaqtida olib chiqishni ta’minlash hamda aholi uchun yanada toza va obod muhit yaratishga xizmat qiladi.