O‘rganish jarayonida kotibiyat mudiri A.Ermatov, doimiy komissiya raisi X.Abdurahmonov hamda komissiya a’zolari ishtirok etib, bo‘limda korrupsiyaning oldini olish, uning sabab va sharoitlarini bartaraf etish borasida amalga oshirilayotgan ishlar bilan yaqindan tanishdilar.

Deputatlar tomonidan hujjatlar yuritilishi, ichki nazorat tizimi, xodimlar o‘rtasida profilaktik tushuntirish ishlari hamda ochiqlikni ta’minlashga qaratilgan choralar atroflicha o‘rganildi.

O‘rganish yakunida bo‘lim xodimlari ishtirokida yig‘ilish o‘tkazilib, unda doimiy komissiya raisi X.Abdurahmonov tomonidan korrupsiyaga qarshi kurashish sohasida amalga oshirilayotgan islohotlar, mavjud qonunchilik talablari va ularning amaliy ahamiyati yuzasidan batafsil tushuntirishlar berildi.

Shuningdek, xodimlarga korrupsiyaga nisbatan murosasiz munosabatni shakllantirish, xizmat vazifalarini halol va vijdonan bajarish muhimligi alohida ta’kidlandi.