Халқ депутатлари Янгиқўрғон туман Кенгашига ташриф буюрган делегация аъзолари Янгиқўрғон тумани ҳудудида “Namangan Mukammal Ta’minot” МЧЖ томонидан амалга оширилаётган йирик инвестиция лойиҳаларидан бири — замонавий дам олиш комплекси қурилиши жараёни билан яқиндан танишдилар. Ушбу лойиҳанинг умумий қиймати 100 миллиард сўмни ташкил этиб, комплекс фойдаланишга топширилгандан сўнг аҳоли ва меҳмонлар учун замонавий хизмат кўрсатиш имкониятларини яратишга хизмат қилади. Ташриф давомида делегация вакилларига объектда олиб борилаётган қурилиш ишлари, яратилаётган шарт-шароитлар ҳамда лойиҳанинг ҳудуд ижтимоий-иқтисодий ривожидаги аҳамияти ҳақида батафсил маълумот берилди.