Aholi bandligini ta’minlash va iqtisodiy faollikni oshirish borasidagi ishlar izchil davom etmoqda. Xususan, O‘zbekiston Respublikasi Prezidentining 2025-yil 1-apreldagi PQ-132-sonli qarori hamda Xalq deputatlari Marg‘ilon shahar Kengashining 2026-yil 7-fevraldagi tegishli qarori ijrosini nazorat qilish maqsadida amaliy o‘rganishlar olib borilmoqda.

Deputat E.Yunusov o‘z saylov okrugida bo‘lib, mavjud holatni atroflicha o‘rgandi. O‘rganish jarayonida hududdagi tadbirkorlik subyektlari faoliyati, yangi ish o‘rinlari yaratish imkoniyatlari hamda aholini barqaror daromad manbai bilan ta’minlash masalalariga alohida e’tibor qaratildi.

Deputat tomonidan o‘tkazilgan uchrashuvlar davomida fuqarolar va tadbirkorlar bilan ochiq muloqotlar tashkil etilib, ularning taklif va muammolari tinglandi.

Ayniqsa, kichik biznesni qo‘llab-quvvatlash, mavjud faoliyatni kengaytirish hamda yangi loyihalarni ishga tushirish orqali qo‘shimcha ish o‘rinlari yaratish zarurligi ta’kidlandi.

O‘rganish natijalari shuni ko‘rsatdiki, hududda iqtisodiy salohiyatdan yanada samarali foydalanish, infratuzilmani yaxshilash va tadbirkorlik uchun qulay shart-sharoitlar yaratish orqali bandlik ko‘rsatkichlarini oshirish imkoniyatlari mavjud. Shu bilan birga, ayrim yo‘nalishlarda tizimli yondashuvni kuchaytirish, mavjud muammolarni tezkor bartaraf etish zarurligi qayd etildi.

Yakunda deputat tomonidan aniqlangan muammo va takliflar asosida tegishli tashkilotlarga amaliy tavsiyalar berilishi, ularning ijrosi ustidan deputatlik nazoratini kuchaytirish rejalashtirilgani bildirildi.

Mazkur o‘rganishlar hududni ijtimoiy-iqtisodiy rivojlantirish, yangi ish o‘rinlari yaratish va aholi farovonligini oshirish yo‘lida muhim qadam bo‘lib xizmat qiladi.