📌 Yoshlar siyosati — deputat e’tiborida

👤 Xalq deputatlari tuman Kengashining 8-Balandchayla saylov okrugi deputati O.Xo‘janov tomonidan yoshlar o‘rtasida “Yoshlarga oid davlat siyosati to‘g‘risida”gi O‘RQ-406-sonli Qonun ijrosi yuzasidan atroflicha o‘rganish ishlari olib borildi.

🔍 O‘rganishlar davomida yoshlarning huquq va manfaatlarini ta’minlash, ularni har tomonlama qo‘llab-quvvatlash, bandligini oshirish hamda bo‘sh vaqtlarini mazmunli tashkil etish borasida amalga oshirilayotgan ishlar tahlil qilindi. Shuningdek, yoshlar o‘rtasida huquqiy madaniyatni yuksaltirish va ularni turli salbiy illatlardan asrash masalalariga alohida e’tibor qaratildi.

📣 Shu bilan birga, deputat tomonidan mazkur qonunning mazmun-mohiyatini keng tushuntirish, uning amaliy ahamiyatini yoshlar va aholi o‘rtasida keng targ‘ib qilish ishlari olib borildi.

💡 Fuqarolarga, ayniqsa yoshlarga, davlat tomonidan yaratilayotgan imkoniyatlar, imtiyozlar va qo‘llab-quvvatlash mexanizmlari yuzasidan batafsil ma’lumotlar berildi.