Xalq bilan muloqot davlatimiz siyosatining eng ustuvor yo‘nalishlaridan biriga aylandi. Har bir soha mutasaddisi, xalq vakili doimiy ravishda aholi bilan bevosita muloqot qilib, ularning muammolarini, dardu tashvishlarini o‘rganmoqda, vakolati doirasida masalalarni hal etish choralarini ko‘rayotir.

Mahalliy Kengash deputatlari o‘zlari saylangan hududlarda belgilangan reja bo‘yicha joylarda xalq bilan uchrashuvlar o‘tkazmoqdalar.

Bunda Xalq deputatlari viloyat va tuman Kengashi deputatlari aholini qiynab kelayotgan muammolarni aniqlash va yechimini qilish maqsadida aholi bilan bevosita muloqot olib borayapdilar.

Shuningdek, deputatlar tomonidan o‘tkazilayotgan uchrashuvlar davomida davlatimizda qabul qilingan yangi qonunlar va ko‘rib chiqilayotgan muhim masalalar mazmun-mohiyatlari ham aholiga tushuntirib borilmoqda.

Ana shu maqsadlar davomiyligi sifatida hamda saylovchilar murojaatlarini tinglash va ijrosi yuzasidan vazifalar belgilab olish uchun 2026-yil 8-aprel kuni Surxondaryo viloyati Kengashi deputati Sobirov Eshqobil Xoldorovich, xalq deputatlari Muzrabot tumani Kengashi raisi - deputat Nurmahmatov Sayidali Mahmatqulovich va deputat Kenjayeva Mazluma O‘ralovnalar Surxondaryo viloyati teleradiokompaniyasining "Xalq bilan muloqot" ko‘rsatuv dasturida ishtirok etishdi.