Xalq deputatlari Pastdarg‘om tuman Kengashi deputati O'.Shukurovning tashabbusi va deputatlik so‘rovi asosida uning saylov okrugiga kiruvchi "Boldir" mahallasidagi Musharraf ko‘chasi hamda boshqa ichki yo‘llarni ta’mirlash ishlari 665-sonli qarorga muvofiq manzilli dasturga kiritildi.

Ushbu qaror doirasida hududda yo‘llarni ta’mirlash, infratuzilmani yaxshilash va aholi uchun qulay sharoitlar yaratish rejalashtirilgan.

Mazkur masala kuni kecha Xalq deputatlari Pastdarg‘om tuman Kengashining 25- sessiyasida ko‘rib chiqildi.

Bunday tashabbuslar mahallalarda obodonchilikni oshirish, yo‘llar holatini yaxshilash va aholining turmush darajasini yuksaltirishga xizmat qiladi.