Xalq deputatlari Parkent tuman Kengashiga 8-Istiqlol saylov okrugidan saylangan deputat Ashurov Baxodir Maxamadaliyevich oʻzi saylangan okrugdagi “Istiqlol” mahallasidagi ijtimoiy-madaniy faoliyat bilan yaqindan tanishish maqsadida mahalla hududida joylashgan Madaniyat markaziga tashrif buyurdi. Tashrif davomida deputat B.Ashurov madaniyat markazining faoliyati, aholi, ayniqsa yoshlarning bo‘sh vaqtini mazmunli tashkil etish, turli to‘garak va madaniy tadbirlarni yo‘lga qo‘yish borasida amalga oshirilayotgan ishlar bilan tanishdi. Madaniyat bo‘limi xodimlari bilan muassasada tashkil etilgan amaliy to‘garaklar bo‘yicha suxbatlashildi. Shuningdek, deputat tomonidan madaniyat markazining moddiy-texnik bazasi, mavjud sharoitlar hamda kelgusida amalga oshirilishi lozim bo‘lgan ishlar yuzasidan mas’ullar bilan fikr almashildi. Hudud aholisi, ayniqsa yoshlar uchun madaniy muhitni yanada yaxshilash, ularning bo‘sh vaqtini mazmunli tashkil etishga qaratilgan taklif va mulohazalar bildirildi.