⚡️Aholini elektr energiyasi bilan uzluksiz ta’minlashga oid muammolar deputatlar tashabbusi bilan bartaraf etilmoqda!

🏡 Joylarda aholini barqaror elektr energiyasi bilan ta’minlash, eskirgan infratuzilmani yangilash bo‘yicha mahalliy Kengash deputatlari tomonidan amaliy ishlar olib borilmoqda.

Jumladan, deputat B.Usmonov tashabbusi va mahalla fuqarolarining murojaatiga asosan Andijon viloyati Paxtaobod tumani Shovruq mahallasi hududidagi ma’nan eskirgan 35 dona simyog‘ochlar o‘rniga zamonaviy beton tayanchlar o‘rnatildi.

🔌Shuningdek, deputat O‘.Komilov tashabbusi bilan Oltinko‘l tumanining Xo‘ja MFYga – 15 dona, Madaniy-mehnat–2 MFYga 9 dona, Madaniy-mehnat–1 MFYga 6 dona ustun yetkazib berildi.

🏙 Surxondaryo viloyat Kengashi deputati Dilfuza Djo‘rayeva tomonidan yuborilgan deputat so‘roviga asosan Muzrabot tumani 2.6 km hududda beton ustunlar o‘rnatilib, zamonaviy elektr kabellari tortilishi ta’minlandi.

⚡️Xalq deputatlari Buxoro viloyat Kengashi deputati Z.Tuyevaning deputat so‘rovi natijasida Kogon tumani «Tun Iroq» mahallasida joylashgan "Nishovur" qishlog‘idagi 63 kVAli transformator yuqori quvvatli 160 kVAli transformatorga almashtirilib, elektr kuchlanishi me’yoriga keltirildi.

🔧 Shu bilan birga, ushbu hududdagi ma’nan eskirgan simyog‘ochlar ham yangi mustahkam temir-beton tayanchlarga almashtirildi.

💡 Xalq deputatlari Bulung‘ur tuman Kengashi deputati D.Achilov tashabbusi bilan Bulung‘ur tumani “Changal” mahallasida elektr tarmoqlari bilan bog‘liq muammolar, xususan eskirgan yog‘och ustunlar deputat so‘rovi asosida yangisiga almashtirildi.

✅ Xulosa qilib aytganda, deputatlar tashabbusi bilan amalga oshirilayotgan bunday ishlar aholini barqaror va sifatli elektr energiyasi bilan ta’minlash, mahallalar infratuzilmasini yanada yaxshilashga xizmat qilmoqda.