Bugun xalq deputatlari Termiz shahar Kengashi deputatlari Termiz shahar Politexnikumida sport zallari, maydonlari va ulardagi mavjud sport anjomlarining holatini o‘rganish ishlari olib borildi.

O‘rganish davomida sport turlari bo‘yicha anjomlar holati va sport to‘garaklari faoliyati ko‘zdan kechirilib, ayrim sport maydonchalarining foydalanish uchun yaroqsiz holga kelib qolgani, sport anjomlarining yetishmovchiligi, shuningdek, nogironligi bo‘lgan shaxslar uchun yetarli sharoitlar yaratilmagani kabi kamchiliklar aniqlandi.

O‘rganishlar yakunida deputatlar Termiz shahar Politexnikumi mas’ullariga soha faoliyatini yanada yaxshilashga doir tavsiyalarni bildirdi. Shuningdek, yoshlarning qiziqishlaridan kelib chiqib, ularni bo‘sh vaqtini mazmunli o‘tkazishda chora-tadbirlar belgilab olish ta’kidlandi.