Xalq deputatlari Buxoro viloyati Kengashi deputati N.Aminova tashabbusi bilan Abu Ali ibn Sino nomidagi Buxoro viloyati Axborot-kutubxona markazi huzuridagi boshlangʻich partiya tashkiloti aʻzolari ishtirokida “Erta nikoh qadriyat emas” mavzusida tadbir tashkil etildi.  

Tadbir davomida yoshlar ongida erta nikohning ijtimoiy, huquqiy va tibbiy oqibatlari, shuningdek, ayol va qizlarning ta’lim olishi, mustaqil hayotga tayyorgarligi va o‘zini rivojlantirishi zarurligi borasida fikr-mulohazalar bildirildi.

Deputat Nasiba Aminova o‘z chiqishida:

“Erta nikoh hech qachon qadriyat bo‘lmagan va bo‘lishi ham mumkin emas. Qizlarimizning haqiqiy qadriyati — ularning bilimida, or-nomusida, o‘z yo‘lini topishidadir”, — deya ta’kidladi.

Tadbir davomida ishtirokchilar o‘z fikrlarini bildirar ekan, erta nikohlarning ko‘plab oilaviy muammolarga sabab bo‘layotgani, yosh avlod tarbiyasida bu masalaga jiddiy e’tibor zarurligini qayd etdilar.