O‘zbekiston Respublikasi Prezidentining
2024 yil 24 dekabrdagi PQ-454-son qarori asosida Quva tumanida tibbiyot infratuzilmasini
rivojlantirish ishlari izchil davom etmoqda.

Xalq deputatlari Quva tuman Kengashi
deputatlari tuman tibbiyot birlashmasi markaziy kasalxonasi hududida barpo etilayotgan
yangi qo‘shimcha binoda olib borilayotgan qurilishda navbatdagi o‘rganish ishlarini
olib bordilar. Loyiha qiymati 16 milliard 502 million 168 ming 407 so‘mni tashkil
etib, u 90 o‘rinli terapiya, 60 o‘rinli pediatriya, shuningdek, qon quyish va laboratoriya
bo‘limlarini o‘z ichiga oladi.

O‘rganish jarayonida “Farg‘ona
bunyodkor qurilish” MChJ tomonidan qurilish ishlari belgilangan rejaga muvofiq amalga
oshirilmoqda. Xozirgi kunda binoning xar uchta qavatida suvoq, plita bosish, pardozlash
hamda tom qismini yopish ishlari olib borilmoqda.

Ishchilar bilan suhbat davomida
ular uchun zarur shart-sharoitlar yaratilgani, ish haqlari o‘z vaqtida to‘lanib
kelayotgani ta’kidlandi.

Loyiha to‘liq yakunlangach, Quva
tumani aholisi zamonaviy sharoitda tibbiy xizmatdan foydalanish imkoniyatiga ega
bo‘ladi. Bu esa tibbiyot sohasini sifat jihatidan yangi bosqichga olib chiqishi
shubhasiz.

Slide 1 of 9