Kuz–qish mavsumiga tayyorgarlik ishlari davom etmoqda

✍🏻 Xalq deputatlari Nurafshon shahar Kengashi kotibiyat mudiri K.Umarboyev hamda hudud deputatlari K.Xakimovlar bilan birgalikda shahar hududidagi ko‘p qavatli uylarning kuz–qish mavsumiga tayyorgarlik holati o‘rganilmoqda.

Tekshiruv jarayonida uy-joylarning isitish tizimlari, tom qismi, elektr va suv ta’minoti hamda umumiy foydalanishdagi joylar holati atroflicha ko‘zdan kechirildi.

O‘rganishlar davomida aniqlangan kamchilik va muammolar joyida bartaraf etilmoqda. Jumladan, Obod turmush mahallasidagi ko‘p qavatli uylar tekshirilib, aholi uchun qulay va xavfsiz sharoit yaratish bo‘yicha aniq chora-tadbirlar ko‘rildi.

Bunday nazorat ishlari shahar mahallalarida bosqichma-bosqich davom ettiriladi. 

Maqsad — aholining qulay yashash sharoiti va uy-joylarning kuz–qish mavsumiga to‘liq tayyorligini ta’minlashdir.

🏡 Issiq uylarda iliq kayfiyat.