Oliy Majlis Qonunchilik palatasi
deputati, “Adolat” sotsial-demokratik partiyasi fraksiyasi a’zosi
Ziyodbek Yunusov Farg‘ona tumanida o‘rganishlar olib bordi. 

🔷 Oliy Majlis Qonunchilik palatasi deputati Ziyodbek Yunusov,
Xalq deputatlari Farg‘ona tuman Kengashi deputatlari Ozodaxon Dadajonova, Shuxratjon
Raximov, Axrorbek Erkaboev, “Adolat” SDP Farg‘ona tuman Kengashi raisi Nodirbek
Karimovlar bilan birgalikda Farg‘ona tumanining Oqbilol mahalla fuqarolar yig‘ini
hududida o‘rganish olib bordi. 

🔷 O‘rganish davomida hududdagi 28-sonli davlat MTTning 240 nafar tarbiyalanuvchilari orasida
yassitovonlik va skolioz kasalligi hamda MTTda yaratilgan shart-sharoitlar bilan
tanishilib, tarbiyalanish navbatini kutib turgan 240 nafardan ziyod bolajon borligi,
ushbu maskanning o‘zida navbat kutib turgan bolajonlar uchun qo‘shimcha binolar
borligi, lekin ta’mirtalabligi sababli foydalanish imkoniyati yo‘qligi aniqlandi. 

🔷 Shu bilan birgalikda hududda Xalq deputatlari Farg‘ona
tuman Kengashining “Jamoatchilik fikri asosida shakllantirilgan tadbirlarni tanlab
olish va “Fuqarolar tashabbusi jamg‘armasi”dan mazkur tadbirlarga mablag‘lar ajratish
to‘g‘risida” qarori ijrosi bo‘yicha amalga oshirilayotgan ishlar yuzasidan jamoatchilik
nazorati o‘rnatildi. 

 🔷 Ushbu o‘rganishlar mobaynida tadbirkorlar bilan suhbat
o‘tkazilib, yosh tadbirkor faoliyati bilan yaqindan tanishib, hozirda tadbirkor
10 nafar fuqarolarni doimiy ish bilan band qilgani, lekin bu bilan to‘xtab qolmay,
ishlab chiqarishni rivojlantirish va yana kamida 20-30 nafar fuqarolarni ish bilan
ta’minlash niyati borligi, ammo tadbirkorlik ob’ektiga to‘g‘ri keladigan joy bo‘yicha
muammosi borligini bildirdi. 

🔷 O‘rganishlar jarayonida aniqlangan muammolar, bildirilgan
fikrlar bo‘yicha “Deputatlik so‘rov”lari chiqarilishiga va deputatlik nazorati o‘rnatilishga
kelishib olindi.