Xalq deputatlari Boyovut tumani Kengashi 12-Boyovut saylov okrugidan saylangan deputat Salohiddin Quldoshev tumandagi migratsiyadan qaytgan ishsiz yoshlar bilan uchrashuv o‘tkazdi. Uchrashuv davomida yoshlarga yaratilayotgan imkoniyatlar, bandlik masalalari va tadbirkorlikni rivojlantirish borasida fikr almashildi.

Tadbirkorlik bilan shug‘ullanish istagini bildirgan yoshlarga o‘zini-o‘zi band qilish imkoniyatlari haqida batafsil tushuntirishlar berildi. Jumladan, Prezidentimizning 62-sonli Qaroriga asosan, "Markaz" mahallasida yashovchi fuqaro O.Mahmadullayevga 100 million so‘m miqdorida imtiyozli kredit ajratildi.

Hozirgi kunda fuqaro ushbu imtiyozli kreditdan oqilona foydalanib, issiqxona qurish ishlarini boshlab yuborgan. Bu esa nafaqat uning doimiy bandligini ta’minlash, balki kelgusida mahalladagi boshqa yoshlar uchun ham namunali loyihaga aylanishi mumkin.

Deputat Salohiddin Quldoshev bunday tashabbuslarni har tomonlama qo‘llab-quvvatlash, yoshlarning tadbirkorlik g‘oyalarini amalga oshirishida amaliy yordam ko‘rsatish zarurligini ta’kidladi.