Xalq deputatlari Qo‘qon shahar Kengashi deputati G.Payg‘amova tashabbusi bilan “Dolzarb 90 kun” dasturi doirasida qizlar o‘rtasida “Zakovat” intellektual o‘yini tashkil etildi.

Tadbirning asosiy maqsadi qizlarning intellektual salohiyatini yuksaltirish, ularning mantiqiy fikrlash qobiliyatini rivojlantirish, kitobxonlik madaniyatini targ‘ib etish hamda bo‘sh vaqtlarini mazmunli tashkil etishga ko‘maklashishdan iborat bo‘ldi.

Intellektual bellashuv davomida ishtirokchilar tarix, adabiyot, ilm-fan, madaniyat, huquq va zamonaviy bilimlarga oid turli savollar bo‘yicha o‘z bilim va salohiyatlarini sinovdan o‘tkazdilar. Bahslar qizg‘in va murosasiz ruhda o‘tib, jamoalar o‘rtasida sog‘lom raqobat muhiti shakllandi.

Tadbir yakunida yoshlarni ilm-fanga qiziqtirish, ularning iqtidor va tashabbuslarini qo‘llab-quvvatlash, intellektual salohiyatini yanada rivojlantirish bo‘yicha fikr almashildi hamda bunday ma’rifiy tadbirlarni muntazam tashkil etish muhimligi ta’kidlandi.

Musobaqa so‘ngida faol ishtirok etgan jamoalar va ishtirokchilar munosib rag‘batlantirilib, ularga kelgusidagi ta’lim va intellektual faoliyatlarida muvaffaqiyatlar tilandi.

Xalq deputatlari Qo‘qon shahar Kengashi