Oltinsoy tumanining “Mingchinor”, “Pahlavon” va “Tog‘ay Murod” mahallalari aholisi uchun navbatdagi sayyor qabul tashkil etildi.

Qabulda Oltinsoy tumani hokimi Otabek Mavlyanov, Xalq deputatlari Oltinsoy tuman 22-Mingchinor saylov okrugidan saylangan deputat, Kengashi raisi A.Turdiyev hamda tuman prokurori Ravshan Turdiyev ishtirok etib, fuqarolarning murojaatlari va takliflarini tingladi.

Murojaatlar asosan bandlik, uy-joy, ichki yo‘llar, elektr ta’minoti, ichimlik suvi, kadastr va ijtimoiy masalalar yuzasidan bo‘ldi.


Har bir murojaat atroflicha o‘rganilib, qonunchilik doirasida huquqiy tushuntirishlar berildi hamda ijrosi muddat talab etadigan masalalar yuzasidan mas’ul tashkilotlarga aniq topshiriqlar yuklatildi.

Bunday sayyor qabullar aholi bilan ochiq muloqotni kuchaytirish, hududlardagi muammolarni joyida o‘rganish va ularni tizimli hal etishga xizmat qilmoqda.

✍️Oltinsoy tumani Kengash Kotibiyati Axborot xizmati